ان كان ماصاحبت مثل بن هلال

[poem=font="tahoma,5,seagreen,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أسعد الله صباح ومساء أحبائي الكرام ,
نص جديد وقليل من كثير في حق الشيخ علي بن هلال, وأمنية هدفها رضاكم ,

[poem=font="tahoma,5,seagreen,normal,normal" bkcolor="transparent" bkimage="" border="solid,4,burlywood" type=0 line=0 align=center use=ex num="0,black""]
عام اربع اميه والف من شهر شوال=سنة ثلاثين وثلاثه دعينا
وليا دعانا كفو مثل بن هلّال=على الشرف والعزّ والطيب جينا
والمدح باهل المدح في كل الأحوال=تستاهله منا لحى الغانمينا
اشعارنا بالمدح من دونها اقفال=مير الرجال لهم حقوق علينا
حنّا ماحنّا من يقولون الأمثال=من شان حفنة مال تاصل يدينا
لكن لياكلنا بالأمداح مكيال=كلنا بصاع اهل الوفاء واليمينا
ورجل تزكيه المواقف والأفعال=مازاد طيبه مدحة المادحينا
الشعر سيحة بال وقناد فنجال=وعود يفوح بسيرة الطيبينا
ون طاب يبقى لوحة بين الأجيال=فيها تخلّد سيرة الخالدينا
ونا اشهد انك يابن هلّال بالبال=وانّ اسمك مصنّف مع الأولينا
وانك رجا وانك حجى وانك ظلال=مزبان للملهوف والمعوزينا
لاهل من جودك مع الوقت همّال=وعدّت عطاياهم كرام اليدينا
سيل وحيمولك من الجال للجال=غيث يحدّر مجدبات السنينا
لك من ورا الهقوات ياعلي منزال=ليا نزل ينزل على الفرقدينا
تعقد على مثلك وشرواك الآمال=ليا ندى بالحرّ عرق الجبينا
قصرك على دورات الأيام مدهال=كرامته حيل وكبش سمينا
انا اشهد انك جيل لاوالله اجيال=تبارك الرحمن دنيا ودينا
رجال تاصل شهرة جبال ورجال=تموج عنها نشدة الناشدينا
ون كان ماصاحبت مثل بن هلّال=مالك نصيب بصحبة الصالحينا
هذا كلام الشاعر اللي لياقال=عاقل وشرهاته على العاقلينا
تم اختصار القول والقول لاطال=طوله ينافي لذّة السامعينا
والله يامرنا على زين الأعمال=وعلى الصراط المستقيم يهدينا
[/poem]
[/poem]

صصصح لسانك اخي فواز ... و اعتلـى شانك ..
كلمااااات تحمل الجزالــــهـــ .. من شاعرر جزل ..
لاهنت ... و بانتظار جديدكـــ ...

تحيـاتــــي ..

!! مشاعر خجولهــ !!

صح بدنك أختي الفاضلة وأشكر طيب مشاعرك ,

صح السانك الشاعرفواز والف نعم فيك وبالممدوح

الشاعر /فواز بن مريزيق

صح السانك واعتلى شانك ويستاهل ابن هلال كل علم غانم

لاهنت وبيض الله وجهك

الشاعر /فواز بن مريزيق

صح السانك واعتلى شانك ويستاهل ابن هلال كل علم غانم

لاهنت وبيض الله وجهك

يستاهل ابو محمد علي بن هلال ومواقف هذا الرجل لاتعد ولا تحصى بافعل الطيب بيض الله وجهه وكثر الله من امثاله .
واخيراً ماقول الا بيض الله وجهكـ يافواز وصح لسانكـ ويستاهل ابو محمد