من اجمل القصائد بالنساء

بعض النساء تجلب على بيتك الخيـر ** والبعض منهن لـك تجيـب النكـاده
والبعض منهن مثل وصف النواويـر ** ومع العقل والزيـن فيهـا الركـاده
والبعض منهن يستر الحـال تستيـر ** لوهي تعيش العمـر صبـر وجـلاده
والبعض منهن عقلها يـوزن النيـر ** ومعها على تـاج الرزانـه شهـاده
وبعضهن أحلى من حليـب المغاتيـر ** وأحلى من الطايـف ونفحـة بـراده
وفي مجتمعها تمشي أحسن تدابيـر ** عقـلٍ رزيـن وفـي حلاهـا زيـاده
وبعضهن اينومسك عنـد المساييـر ** والبْـن في الدلـه تضبط اقـنـاده
وبعض اللسنتهن مثل وصف المناشير ** والبعض منهن طايـشٍ فـي عنـاده
والبعـض منهـن فكرهـا بالدنانيـر ** قشـرا وشوشتهـا سـواة العـراده
والبعض منهـن مايكـب المشاويـر ** وفيها التغطـرس والغبـاء والبـلاده
وهذي هي اللـي تستحـق البواكيـر ** حيـث انهـا للسـوق فيهـا عبـاده
والبعض منهن عايـشٍ دون تفكيـر ** وان شفتها منتـه ب ويـا السعـاده
وان رحت عنها ولعت فوقك اسعيـر ** وشنت عليك الحرب حـرب الابـاده
واللي ماصار اترهمه غصب ويصيـر ** ومـن جورهـا لازم تـزور العيـاده
والبعض منهن دايم اقدامهـا اتسيـر ** علـى امـهـا والام راس القـيـاده
وتنفـذ اللـي تسمعـه دون تاخيـر ** وترسم امخططهـا لفـرض السيـاده
واليا حصل من بينكم شـيٍ اصغيـر ** تفيـد منهـو ماطلبـهـا الافــاده
وتوافـي أهلها بـكـل التقـاريـر ** ليـن الرجـل يعـاف شربـه وزاده
واليـا ضربهـا كـف مالـه معاذيـر ** راحت هو ياكل عشاء البيـت سـاده
وراحت طمـوح وبلشـوه العصافيـر ** ومن همهم حـارب منـام الوسـاده
وان جاء يرجعهـا عيونـه مطاييـر ** قالوا قبـل ترجـع تجيـب القـلاده
وسبحه من الأربش وأطقم أساويـر ** ومن جورهـن لا واعنـاه وهجـاده
وان كان ما أنسابك أرجالٍ مناعيـر ** هيجـن وهوبـل يا حيـاة الـقـراده
وارجو السموحه من جميع الغناديـر ** وهن الأصل منهـن للاقطـار سـاده
ومصنـع رجاجيـلٍ تقـود الطوابيـر ** والحـرب تقـدح للمعـادي ازنـاده
والمعذره وان كان بالقـاف تقصيـر ** وما كل من يجتهد نجح فـي اجتهـاده
وللكلمه الجزلـه زبـون وجماهيـر ** وقول بـلا حكمـه ما فيـه استفادة
والله يجعل لي مـن الذنـب تكفيـر ** يوم أن راع الـزرع يلقى حصـاده

كلام جميل وواقعي ولكن يبقى هاجس شاعر
والاصل انتي امي انتي اختي انتي زوجتي
يعني باختصار شديد مالي غنى عنك

صح لسانك ومشكور اخوي..