صب شاهي بس

السلام عليكم



صب شاهي بس








المشهد الأول ...

رئيس دولة + رئيس دولة
الأول : وش اخبار دولتك
الثاني : الأمور فيها تمام بس مشكلة هالحدود مأرقتني شوي وماتخليني أنام
الأول : انتم لسه ماحليتوها ؟؟؟
الثاني : ياخوي أنا احصلها من الحدود أو الشعب أو ...أو .. اقول صب شاهي بس











المشهد الثاني
وزير + وزير
الأول : وش اخبار وزارتك
الثاني : الأمور فيها تمام بس العجز المالي شوي مأرقني ومايخليني أنام
الأول : للحين ماعرفتوا الخلل
الثاني : انا احصلها من العجز أو الأختلاسات أو .. اقول صب شاهي بس









المشهد الثالث
مدير + مدير
الأول : وش اخبار ادارتك
الثاني : الأمور فيها تمام بس تسيّب الموظفين شوي مأرقني ومايخليني أنام
الأول : للحين للحين ماعالجت الوضع
الثاني : انا احصلها من الموظفين أو رؤساء الأقسام أو .. اقول صب شاهي بس






المشهد الرابع
موظف + موظف
الأول : وش اخبار شغلك
الثاني : الأمور فيه تمام بس موضوع الأجازة شوي مأرقتني وماتخليني أنام
الأول : للحين ما وافقوا لك عليها
الثاني : انا احصلها من الأدارة أو المراجعين أو .. اقول صب شاهي بس





المشهد الخامس
مواطن + مواطن
الأول : وش اخبارك اليوم
الثاني : الأمور تمام بس مشكلة الشغالة شوي مأرقتني وماتخليني أنام
الأول : للحين ماجتك التأشيره
الثاني : انا احصلها من من مكتب العمل أو الأستقدام أو .. اقول صب شاهي بس






المشهد السادس
زوجة + زوجة
الأولى : وش اخبار عيالك
الثانيه : الأمور تمام بس هالبنت اللي ماجاها نصيب شوي مأرقتني وماخلتني أنام
الأولى : للحين ماانخطبت
الثانيه : انا احصلها من خطبة البنت أو وظيفة الولد أو .. اقول صب شاهي بس







المشهد السابع
عامل + عامل
الأول : كيف كفيل مال أنتا
الثاني : كويس بس هذا مشكل راتب يسوي تفكير ومافي نوم
الأول : ليش هو مايعطي راتب
الثاني : انا مشكل كفيل أو مشكل بيت مال أنا أو ... صديق جيب شاهي






المشهد السابع
كل الناس بكل فئاتها ومكاناتها الأجتماعية تعاني من هموم تأرقها وكل واحد همومة
على حجمه وكلن ( يصب شاهي على قد الكوب اللي بيده )

اقول صب لي شاهي بس

اذا اعجبكــ موضوعي تكفى صب شااهي بس





وعلى المحبة نلتقي

ههههههههههههه
رااااااائع الموضوع وجميل وممتع
لاهنت على الطرح

عادل
شكرا الك على طرح الموضوع الرااائع
تفضل الشاااااااي

عادل
موضوع جميل سلمتـ يديكـ عليه

يعطيك العافيه اخوي على الموضوع الرائع

اشكرك على الموضوع المميز

اي والله صب شاهي
موضوع جديد ومميز يسلمووووووووو