مسااااجله شعريه ) حروووف وابيااات

هيه ياللي غرك الحسن و أطغاك الجمال ** و الله ان اموت ما شفت لأوصافك شبيه
لو يسام الحسن والتيه بجنيه و ريال ** ما بقى في سوق غيرك ريال ولا جنيه
حال دونك سيف عنتر وتاسع حول حال ** بثر حول حال دونك و أنا أدعي هيه هيه
كيف أهدك للمقادير و أنتي راس مال ؟ ** راس مال و مال و المال ما يعطى السفيه
حافظك حفظي لعيني و رمشي لك جلال ** و أنتي تشحين بالما و أنا شفي مويه
شايفٍ ظلمك و ساكت و طال الليل طال ** لا تركتي طعن قلبي و أنا ما قلت ليه
لو بقى للهيل صبرٍ على فوح الدلال ** ما بقى للقلب صبرٍ على شيٍ يجيه
كنت أحسب أن الغلا زال و أثره لايزال ** فالحشا ما كنه الا دخيل في الوجيه
ساقني حبك على الموت و سنيني هزال ** و الظروف أقسى من الظلم للعرض النزيه
و أنتي تسوقين عقلي على حد الهبال ** تحسبين أن من بغى شي يقدر يشتريه
ولا أنا يا وجد حالي وجودٍ ما يقال ** وجد من ضحى بغاليه لرضا والديه
يا أول أحلام الطفوله على حد الخيال ** الرجا باللي حمى البيت من حملة بريه
و يا وجودي يا أول العمر قبل ألبس عقال ** وجد من باع آخر العمر في رغبة ذويه

(هـ)