فمان الله يا أول

إحدى روائع شاعري المفضل
ضيدآن بن قضعان, بختصر وبخليكم مع كلماتها ويارب تعجبكم

[poem=font="simplified arabic,6,black,bold,italic" bkcolor="white" bkimage="" border="outset,4,black" type=0 line=0 align=center use=ex num="0,black""]
فمان الله يا أول من سكن بين الضلـوع العـوج=عسى دربك سفير و يـا عسـى الله مـا يخلينـي
توكل لا توادع رح عسى درب الجفا المسهـوج=يصادف درب فرقى عقبها مـا تلمحـك عينـي
سمحت من الهوى ومن القصيد ومن زراق الموج=ورميت أغلى مجاديف الغـرام وجيـت بيدينـي
أبغرق في عذابك لا رحلت و يصبـح المنتـوج=قصيد في حياتـي سلوتـي و أن مـت يرثينـي
واذا هبن بنات الريح للذكـرى بـدون سـروج=أبسرج مهرة النسيان و أرحـل مـن عناوينـي
وبنسى لين أسج و برسـل الونـات فـوج فـوج=وبنسى دمع عيني ينتثـر و أنسـاك مـن حينـي
صبور ؟ أي و الله اني ما ثنيت العزم قبـل أدوج=بريضان الجفا و أظمـا لوصلـك ليـن تسقينـي
شجاع ؟ اي و الله اني ما عرفت الذل قبل أسوج=قدم رجلـي علـى درب لبيـت أهلـك يودينـي
كريم ؟ اي والله اني ما عرفت الشح قبل تـروج=دموعي في عيوني ثـم أشـح بحسرتـي فينـي
أحبك ؟ حسبي الله ليت مالك في سمـاي بـروج=و لا لـك بالبسيطـه كـود شـي بينـك وبينـي
دخيلك لا تلتفت رح بفالـك و أتـرك المرجـوج=تغانم ما بقى لـك و لا أنـا مـا عـاد يمدينـي
فمان الله سق ركابك على درب السنيـن العـوج=و لكن طالبـك لا أقفيـت عنـي .. لا تخلينـي
[/poem]