كل البشر طبق الأصل وإنت صوره

[align=center][tabletext="width:70%;background-image:url('http://www.almohemzat-abs.com/vb/backgrounds/22.gif');"][cell="filter:;"][align=center]ياللي تقول إنك من الوقت ضايـق
محـدٍ بهالدنيـا تكامـل سـروره

منت الوحيد اللي لقـا لـه عوايـق
المستريـح اللـي يسايـر امـوره

العمـر ساعـة والليالـي دقايـق
لو طالت سنين الزمـان وشهـوره

لاترمي اوهامـك بوجـه الحقايـق
لاتشتكـي ظلـم الليالـي وجـوره

استر عيوبك عن عيـون الخلايـق
خلك على ماقيل نفسـك صبـوره

لاتلتفت لأهـل العقـول الطفايـق
لاكل من قابلـت ينطـاع شـوره

لاتعتبر بعـض الرفايـق رفايـق
لاصرت ماترجيه وقت الضـروره

لاتأخـذ الدنيـا بكثـر الوهـايـق
درب الخطايـا لاتحـاول عبـوره

خل الأمل يبقـى بشتـى الطرايـق
انس الزمان اللي بـلاك بشـروره

جـدد مـع الأيـام كـل الوثايـق
ترى الفرح لوغاب يمكن حضـوره

تلقا الصحاري في عيونك حدايـق
دام الرجاء تومي بدربـك زهـوره

لوشفت من وقتك سمـوم وحرايـق
اصبر اليا من يطلع سهيـل نـوره

خواطـرك لوجنّبتـهـا الوفـايـق
يمكن مع الأيـام تجبـر كسـوره

لوشفت غيرك خالي الهـم رايـق
لابـد مايأخـذ مـن الوقـت دوره

مادام كلٍ مـن غثـا البـال ذايـق
كل البشر طبق الأصل وإنت صوره[/align][/cell][/tabletext][/align]