احبك حب مايوصف ولا يخطر على بالك

تقولي وش شغل بالك ونا كل انشغالي فيك
------------- غريبه كيف ماتبغيني اتعجب من سؤالك
ونا بعت العذارى كلهن يابنت لجل ارضيك
------------- يـمـيـن الله مـابـــدل بحبك حبٍ بْــدالك
احبك حب مايقبل ابْد ياروحي التشكيك
...
------------- احبك حب مايوصف ولا يخطر على بالك
أحبك اي نعم والله احبك حيل واحلم بيك
------------- واعزف لك على اوتار الغرام الحان موالك
نعم نستاهلين الحب وإلا ويش له أغليك
------------- عطيتك كل قلبي لك بلا مِنّه هنيا لك
مادام انك سكنتي به انامعاد اباأوصيك
------------- عليه.اعتبري انه قلبك الموجود بشمالك
والي منه خفق يابنت لك مقصوده يحاكيك
------------- حذاري ينكسر منك لنبضاته خذي بالك
بلاه الله في حبك يفز لي من ذكر طاريك
------------- ويتعذب ويتصبر على مافيه كرما لك
وانااتخيلك في ساعة صفا كفي وسط كفيك
----------- نعيش ابهاوتتحقق لي آمالي وآمالك
حياتي كان ماودك تجيني اسمحي لي أجيك
----------- نفذ صبري وانااترقب وانطر حزة وصالك
كفى قهري وتعذيبي وظلمي الله يخليك
----------- تعالي واشفقي بالحال ربي يشفق بحالك

من مراقـ لي منقول