طلبت من بابه على طول مفتوح

قصيدة الشاعر / نشمي زامل الرشيدي


طلبت من بابه على طول مفتوح
جايب مراديم السحاب النواشي
يفرج لمن كبده صﻻها كما الفوح
فوحت براكين الجبال الهشاشي
حسبي على اللي عذبوني من الروح
أهل القلوب المعفنات الغشاشي
إلى بغا حاجه يسويك ممدوح
ويجيك بالضحكه خفيفا ارياشي
وإلى قضا الحاجه مشى وأنت مسدح
خﻻك من عرض القمامه اقشاشي
اعطيه من جيبي وأنا الصدر مشروح
أما آخذ من فﻻن وإلا معاشي
وإذا طلبته قال ﻻ تلجي روح
بﻻش من تالي كﻻمك بﻻشي
ياطالبا حقك ترا ماأنت مسموح
إلا بحد مصقلات النماشي
الحق صابه هالليالي غرق نوح
بالمحكمه مابين مرشي وراشي
يأخذ ورقة العسر واللوم مطروح
ويأكل حﻻل الناس في سلم ماشي
وين القضاه اللي تزوح الردى زوح
في وقفتا في وجه حاسد وواشي