ياكثر مانعرف من اقراب وصحاب

ارفع يديك الخالقك وطرق الباب

مادون بابه واحدن عنك سده

اسئل كريم مجيب رزاق وهاب

مدت ايدين المد من مــد يــــده

وحافظ علي ملة نبيك ولاصحاب

نهج السلف قدوتك بقياس قده

والطيب فيما حبه الله وماطاب

بالوالدين وبـــادي الـــقرب بــده

ومكارم الاخلاق توقير واداب

من زاد حــــساده لــــها زاد وده

زرع المكارم منبت اثماره أحباب

حصاد الامس اليوم مزروع غده

ضع التفائل ولامل بسمة عجاب

وصــبرمفتاح الفرج بعــد شــــده

الطيب يبقا حـــي لو فاعله غاب

عتيق روح الطيب من فوح نـــده

لابد مال البيض ولسود حساب

وكلن علي ماوجه الوجــه عـــده

من اشتاة القول صادق وكذاب

مالك ومال اقــــــوال هاتـــه اوده

من ماتعلم من خطا ياه ماصاب

دام الخطا عن الأخـــطا مايــــرده

يجرها الجاهل علي العاقل عتاب

سوا من الشرده علي الشر هده

اخير خلق الله من أخطاه من تاب

وشرهــــم من باــلوذا بــــذ ـــده

حيا الوجيه الجاه وتحل الانشاب

للجاه وجه ولاعن الوجه صده

كمن عدون جابه الطيب ونجاب

مثل السلاح الطيب لاعداك عده

من يعتبر سبل الوسايل للاسباب

لها ثنا رجلــــه للراسه مــــخده

تجارب الدنيا معرفه بلا كتاب

ولعلم واسع يجهل العقل حــــده

ياكثر مانعرف من اجناب وقراب

وياقل من عند اللوازم نـــعده

النا س مارضتهم رسل رب الارباب

ياقلـــت قال الله يقولون ضــده