فرعة الشمس وشفاه الهبوب مساعد الرشيدي

مهرتي مجنونة الريح بعر وقي تذوب
وان عطت فج الفيافي وسيع بالها

مهرتي حرة واصله محياها طروب
فلوة يملى نحرها بشاير فالها

مهرتي شقرا نحيله مثل بنت لعوب
لا جلدها مسرف الشوق زاد هبالها

سابقي يوم الليالي لها وجه كذوب
روحت بنت الهبايب تخب لحالها

سقتها من فرعة الشمس وشفاه الهبوب
ليه ما يلفح رسنها وانا خيالها

يعلم الله لا عطيه ولا حق مغصوب
عمها جمر المسافه وهمي خالها

ان روت بيض النوايا مهي صلفة هيوب
صدرت ينضح نباها قراح زلالها

وان وعت عشب الخطاوي على ريف القلوب
كم هنوف للمفالي تسوق ظلالها

كم دوت رهف الضماير لا جل عين محبوب
لين يرجف بالحنايا صدى موالها

وان تعدن سبق الخيل ماني مبغلوب
كل جزة بالليالي لها رجالها

مهرتي شيخة زماني لها قدر محسوب
ما حداني عن غلاها بعيد خيالها

مرحبا باول قدرها عساها ماتتوب
ما يحت غصون روحي ياكود جفالها

ضمها عطر الشمالي على صدر الجنوب
وانثنى وردي شفقها وهل هلالها