شعار من بني رشيد(أدخل بسم شاعر أو شاعره من القبيله)

شكري و تقديري لك اخوي خاتم على هذه الفكرة الرائعة ،

شاعر الجزيرة العربية / صقر النصافي ،

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياعلي خل العيد لم الدناديش =اللى تنظف كل يوم جسدها
تبغي تماري ناقضات العكاريش =في كل ملفاح تنقض جعدها
العيد عيد الله ولو فات حتيش =من حسبة ايام يمرك عددها
نبي نعلمك المساري على الجيش =تمشي ذلولك لين يفتر جهدها
خابرك ما انت بضاري للمطاريش =نبيك تونس حلوها من نكدها
ليله على مسرى وليله مغابيش =وليله نخلي نومها لمن رقدها
وليلة على تمره وليله على عيش=وليلة نوكلك الشحم صيد يدها
ياعلي لاجيت العرب لاتجي ديش=خبل ليا جاب السوالف سردها
احفظ لسانك لايجي فيه تبطيش =تصبح عيونك كايدات رمدها
يجيك من ينشدك نشدة بتفتيش =يبي يسنع هرجة يعتمدها
خله يقوم مفلت في يده ريش=يروح منك وحاجته ماوجدها
تري دعابيل الخبول الفوانيش =تبدي بما فيها ولاحد نشدها
يجيك واحدهم يورش توريش =عجاجته يسبق مطرها رعدها
والا لغمقات السوالف مناقيش =قرايه الكلمه على اول عددها
تجي سوالفهم بضحك وتبهيش =وقلوبهم محد يفك عقدها [/poem]