من يأسي ورجواي خايف ومرتاب=من فيهم اللي حاسبٍ لي حسابه

يـا ظـرف عثتبنـا وزعلنـا الأصحـاب=وكــلٍ عـلـى ظـنــه تـنـحـت ركـابــه
يـا ظــرف قفـيـت المشـاريـه بعـتـاب=والـيــوم مـالــك دعــــوةٍ مسـتـجـابـة
أنـا قصيتـك وأنــت يـاظـرف كــذاب=تـفــرح عـلــيّ مــدوريــن الـطـلابــة
خليتنـي فـي سـبـق الـوقـت مـخـلاب=مالـه مـن السـطـوة ســوات الخـلابـة
فلّـت بيدينـي مــن الـريـش مقـضـاب=وقطعت رجوى اللي حصيلة قضابـة
ومن يوم غاب اللي عن البال ما غاب=وأنــا دروبــي فــي عيـونـي تـشـابـه
ما عاد يطربنـي علـى الوتـر زريـاب=ولا عــاد يغريـنـي جـمــال وذرابـــة
يــا ظــرف لمتـنـا تسـيـد بـهـا غـيـاب=وكــلٍ تـزايــن فـــي عـيـونـه غـيـابـه
من يأسي ورجـواي خايـف ومرتـاب=مـن فيهـم اللـي حاسـبٍ لـي حسابـه؟
كـنـي عـلـى بــاب المناشـيـد بـــواب=أخـشـى ســؤالٍ مــا بـعـد فــك بـابــه
أخــاف مــن عفـويـةٍ مالـهـا أطـنــاب=تبـعـث ســؤالٍ مــا ينـاسـب جـوابـه!

صح السانك وعلا شانك شاعر جزل مافيك حيله وتمنيت ان يكون اسمك الصريح
مرادف لهذه الجزله لكي نتعرف على شاعر جزل امثالك

وتقبل خالص الود والتقدير