ِِ مقــهى البـوح الشـعري ..،، تفضل أرتشف قهوتك ..ِِ.

من عز نومي صحيت وشفت في عينـي
دمع تهادى علـى جفنـي وأنـا غافـي

ستـرت دمعـي بـ كمـي قبـل يغرينـي
وأخذت هذا الجسد مـن باقـي لحافـي

وسريـت تايـه ورا خطـوات رجلينـي
لا الوجه وجهي ولا أوصافي هي أوصافي

أمشـي وأقـول لـ طريقـي لا توديـنـي
لـ عيون ناس تبي تـدري عـن الخافـي

أمانتـك.. خلهـا مـا بينـك وبيـنـي
خابرك يالـدرب خـوة عمـر وسنافـي

مـا ودي النـاس تـدري وش يبكينـي
كرامة النفـس ورث أبـوي و أسلافـي

أمشي وأحس الخناجـر فـي شرايينـي
والبرد يمشي وراي وينهـش اطرافـي

وحيـد واللـيـل بـردونـه يغطيـنـي
تقـول كـن البلـد روح بهـا السافـي

إلين ما أوحيـت لـي صـوت ينادينـي
صوت أعرفه مثل ما أجهل وش خلافـي

قمـت أتلفـت و انــادي لا تخليـنـي
ما غيره.. الصوت هذا صوتـه الدافـي

ولمحت زوله من أقصى الـدرب لافينـي
مدري وش اقول لكن حـي هـا اللافـي

تعال.. شف غيبتك كيـف أثـرت فينـي
تعال.. شفني وأنا أغرق عقب مجدافـي

تعال.. خذنـي ورحبـي مـن عناوينـي
تعبت أعدي على جمـرك وأنـا حافـي

تعال واقطف بصوتـك زهـرة سنينـي
كـل المواعيـد عقبـك شمعهـا طافـي

تعـال وازرع خصـل شعـرك بكفينـي
بضمهـا ليـن أحـس بليلـك الظافـي

تعال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي

حتى بديت أشعـر أن الحـب معمينـي
وان أنت حلم عثى فينـي وأنـا غافـي

لكن أمانـة تـرى اللـي فـي كافينـي
إن رحت منك كذا مـا رحـت متعافـي

بصـدق الحلـم وأحـذر لا تصحيـنـي
في خاطـري كلمتيـن إن قلتهـا كافـي

أمانة الله عليك إن غبـت عـن عينـي
لا يكون قلبك مثل قلـب الزمـن جافـي

مع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي







لـ فهد المساعد

لو المقابر تسمح بشوف مرحوم رحت ولمحت المندفن في ترابه

•● يِآ زَمُآنٌ الأقِنَعُہِ وَيُنّ الِوَجُيٌہ ..؟•●

راضي بحبك وانت وبالحب راضي

عدونا لي شافنا بخير يغتاض

صدق المشاعر ما تبي اليوم قاضي

دام العطاء من بيننا حيل فياض

+يَآجِعلْ مَعَّزّتَـكْ دَآخِلْ القَلْبِ تِزْدَآدْ
وَلَآ يجينـِـِـِآإ يُومْ وَ نخْسسَرْ بعضنَـَـَـًـًـآ . . . .!

شموخي مايطاوعني ابوح بهم اخفيته
ولا اشكي ولا اعاتب ولادمعي تشوفونه

خلك بسيط الكبر ماهو بعادة *** لا تسرقك دنياك عن خلقتك سرق

خلك صبور وخل عندك ارادة *** ولا صرت راعي ضو فأصبر على الحرق

لولا الصبر والمعرفة و الركادة *** ما تجرح العشاق ترنيمت الورق

واذ بتسيد فالمراجل سيادة *** خل المراجل باب وسيادتك طرق

خلك ذكي واخذ الأمور بهوادة *** ولا صدت وثب لاتجي صيدتك زرق

واليا عشقت اعشق من الحور غادة *** حورية(ن)في بحرها يحي الغرق

ان زعلت زانت بعينك زيادة *** وان ضحكت كنها تنافس مع البرق

واذا أدور فالحياة السعادة *** اسجد لربك سيد الغرب والشرق