آنا ما افهم وش يقولون بس ارتاح ..؟

.
.
.

مساءكم روقان مثل الروقان اللي صاير معي ...

وآخيرا تعبي جاب نتايج .. عندنا شغاله فلبينيه مسيحيه ..

لها شهر عندنا وماتعرف عربي ابد وكنت اتكلم معه بالانجليش وتحبني مررررره ..

ودايم اسولف معها ومن طريق غير مباشر ابين لها انو هذا الاسلام امرنا فيه وهذا كذا وهذا كذا ....!

يعني الاخلاق والتعامل اللي تربينا عليه .. وكنت اعامله بحنان حتى اذا سوت شي غلط ما اعصب منها ..

ارجع انا اعدل الشي بدون اي نقاش فكانت تداريني بقد ماتقدر ماتبي تزعلني ..

كانت تسولف لي تقول كنا آخذين فكره عن الاسلام انه كله قتل × قتل ..


وبعض المرات تشوفني مثلا اصلي او اقرأ قران تجي تستكشف عند راسي ..


ومره جبت لها سيرة الرسول قلت اقرأيها فقط باللغه الفلبينيه ..


ما ابي اشدد عليها من البدايه ابي شوي شوي ويارب يحقق لي اللي ببالي ..

وتسألني عن القرآن واقعد اسولف له عن الديانات وان الكتب المنزله حرفت لكن القرآن محفوظ عند الله ..

وتسمعني كل ليله اشغل سورة البقره وانام عليها ..

تقول قبل كنت انام ساعه واصحى وانام ساعه واصحى بعد ماسمعت القرآن صرت انام نوم متواصل براحه ..

وبعد ثلاث ايام نشغل البقره بالبيت كله ..


يوم جاء اليوم الصبح جت لي قالت ممكن اشغل المسجل ..؟

آنا استبشرت خير قلت ليش ..؟ قالت آنا ما افهم وش يقولون بس ارتاح ..؟

ابي اشغله كل يوم اذا تسمحون لي ..

لأن حنا نروح للدوام حتى امي ومايبقى عنده احد وتخاف وتقول اذا شغلت القرآن احس براحه وقوه .. واقدر اشتغل بدون خوف ..

سبحان الله كلمات ربي صحيح انه ماتفهمها لكن تهزها وتشعرها بالطمأنينه ..

ربي لاتحرمني هدايتها على يداي ..



:/:/:/


آبشركم الحمد لله ( Eva ) كل يوم تشغل القرآن .. احسها صارت هشه من اي شي تتأثر سبحان الله كلمات ربي هزتها ..

ويوم من الأيام كانت تسمع لأخوي مشغل الله الله حقت سامي يوسف .. اعجبتها مره ..

حملتها من النت وحملت اناشيد احمد بو خاطر



قبل كم يوم جبت لها كتب باللغه الفلبينيه عن الأسلام والمسلمين وكانت تقول اتز افيري انترستينق ( يعني مثير جدا ) عجزانه اكتبه بالانجليش هههه

وكانت تخلص شغلها بسرعه علشان تروح تقرأ ,,

اول شي هيئتها نفسياً وبعد كذا جبت لها الكتب بعد مازاد عندها حب الأستطلاع .. وتحمست تقرأ عن الأسلام ..

لما صحيت اليوم نزلت تحت مرووقه وشغلت سورة الكهف .. وبعده صعدت لغرفتي لقيت رساله على اللاب توب ..

مضمون الرساله :


Dear "بنت رجال"

thank you for being kind to me your such a good person
hope you would not change your behavior your a good example of a muslim
that I read in the booklet
may allah bless you always]

على بساطة كلمات رسالة هالشغاله الا انه اثرت بنفسي كثير ودمعت عيوني وحمدت ربي على ان تعبي جاب نتايج ..
وان شاء الله راح اصورها وانزلها لكم ..

طلعت لقيت البسمه على وجهها بادلتها البسمه وشكرتها على رسالته و قلت انا مو قاعده اسوي شي من نفسي (انا فقط امارس تعاليم ديني) ..

يالله انك تحقق لي اللي في بالي ..

ادعولي ..

الله يوفقك ويهديها للاسلام على يدك إنشاء الله تعالى

بنت رجال
الله يرزقج الأجر ويجعله خالص لوجهه الكريم
وإن شاء الله تعتنق الإسلام على يدج

جزاااااااااك الله خير ا .... وجعله في موازين حسناتك

مشكوووووور والله يعطيك الف عافيه