قصيدة إهداء للشيخ سعود ثاري المهيمزي الرشيدي

قصيدة إهداء للشيخ ( أبو محمد ) سعود ثاري المهيمزي الرشيدي

.
.
.
.
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يانديبي قوم ود العلم وده=وده اللي بالكرم والطيب ضاري
فوق من يطوي السهال المجرهده=شاص مايهمه طعوس ولاصحاري
ون عطاله مع خطوطن مستجده=الحصى من قو حذفه له شراري
يانديبي عن لزومي لاترده=لايوقف غير عند سعود ثاري
وصل المكتوب من يدك ليده=واعرف انه فاهم وكاتب وقاري
شيخ قومِ له مقام وله موده=كاسب ٍ قولة نعم ذيب الغداري
والكرم ورثن لبوه ورث جده=والرجال اهل الكرم فيها نماري
من مهامزةٍ لها مده وهده=يوم دورات المحازم والسواري
كم عدوِ من فعايلها تضده=بالرماح وبالسيوف وبالنزاري
من بني رشيد مكسرة الاشده=عزوتن بفعالها زاد افتخاري
والكلام اللي عليه اثبات اعده=مالتفت للي سوالفها هذاري
ولازمي ماكل رجالٍ يسده=غير رجلن فيه للفزعه مواري
والقصيد يشدني قافه واشده=يم ابن ثاري طرالي كل طاري
ماجنى الا الوضح زينات الاخده=لانظرت إلحيها مثل الشباري
والرقاب طوال جردن مستمده=خرع اذانيها لها ذيولن قصاري
اذكر الله كل ماصاح الموده=تقل صفة عسكرن بأمرِ اجباري
ون مشت مع خايعٍ يفوح نده=بالخزامى والنفل وقت العصاري
تعجب اللي يعرف الذود ويوده=مادخل في وسطها بايع وشاري
والختام ازكى التحيه والموده=للكريم اللي على الفزعات ضاري
[/poem]
.
.
.
.
ناصر صويان الشويلعي