هنا محاورة عايض وبدوي فاهم

تصبحون على ماتحبون ا
لكم جزيل شكري جميعا

[frame="7 10"]
تنسسيق المحاوره



بدوي فاهم

مفلح إداري وابن رهق مديره = والمشكله ف ابن نقاء وابن ثاري
اللي يحطون الصغيره كبيره = وإلانت ياعايض غبي ماانت داري



عايض الرشيدي


خل الخبر ياصل قناة الجزيره=وألعب على الحبلين بأمري جباري
أنته دخلت بسوق تجار ديره=لكن ضيعت السجل التجاري


بدوي فاهم

وين أنت غاير ياعساك المغيره = أدخل على الله لاتغير مساري
ماضاع لي لوكان حبة شعيره = أنا على الشعار شبيت ناري


عاايض الرشيدي

اسيول هذا العام صارت غزيره=الله يامنا تشيل الكباري
تجمعوا سادة شيوخ العشيره=وقالوا هدرنا دم شخص انتحاري


بدوي فاهم

ياالله عسى فأالامر خيرن وخيره = أكيد طاري لك ياعايض طواري
آحذ معك وأعطي بعقل وبصيره = ولاخذ ولاأعطي مع عيال الحواري



عايض الرشيدي



أحذر تدخل بالأمور الخطيره=بس انصح فليحان ينصح امكاري
لايصير من تحت الرحى المستديره=وايدوَن إسمه بالقرار الوزاري



بدوي فاهم

الحمل مايشتاله إلا بعيره = ماني مثل شرواك مفلس وعاري
بشر عسى ربعك لقولك جبيره = بعد أن كسرت بحرب ذات الصواري


عايض الرشيدي


إبليس ماخلا الشقي في مسيره=ان كان مايخفاك بعض المساري
ياشين قل لي وش تبي بالذخيره=وبلا ذخيره وش تبي بالسواري


بدوي فاهم


اللي مثل شرواك مايروح ديره = براسه مرض يبغى طبيب استشاري
الله ولامد الكفوف الفقيره = وإلا انت ياعايض على الفقر ضاري



عايض الرشيدي


مادام ابن برمان شره بطيره=يبي يشوف من المصايب عزاري
ياليت هذا الدرب دوّرت غيره=لكن منتف مع طريق الخكاري



بدوي فاهم


اللي سيوفه بالملاقاء شطيره = مايلتفت بمروجين الهذاري
عايض بتال الوقت واجه مصيره = ذرت عليه من الذواري ذواري



عايض الرشيدي


مامن يدك سيّه عيونك ضريره=مثلك يسرح بالغنم بالبراري
مايارد الماء من حباله قصيره=تعال افسر لك حديث البخاري


بدوي فاهم


ماعندك حميا ولا فيك غيره = ياراعي الثنتين وين انت ساري
الفعل تشهدله جموعن غفيره = تقلى الخبر مابين كاتب وقاري


عايض الرشيدي
لو مت مثلك وين يلقا نضيره=ماجاب مثلك لابسات الخزاري
اللي حضر حرب الكلا والعميره=يضحك بذاك اليوم بين الشباري



















[/frame]

يعطييكم العاافيه وصح السنتكم جميعااا

تصبحون على خير

اقتباس:
المشاركة الأصلية كتبت بواسطة بدوي فااااهم
صح الله لسانك ياعايض واعتلى شانك
وبيض الله وجهك ولايهنون الباقين
عزالله اني استفدت منك شاعر ولك وزنك واحترامك
والخروج براس المال معك مكسب ياابو عارف
تصبحون على خير
كوني بخيرا
بدوي فااااهم

بدوي فاهم
صح بدنك من كل شر
ووجهك ابيض
ومن قال مايهون
بدون مجامله شاعر مداك طويل
ومن الصعب معرفت قياس نبضك الحقيقي
مع ان هذا الطاروق يختلف تماما من ناحية المشد
يتعبر بحره قصير للمحاوره
ولكن لا يعيبه بحره
فما ادري هل أنت متعمد ذلك أو جاء تلقائياً
على العموم تشرفت بألعب معك
ومن لا فاد ولا استفاد لا خير في حياته
ولايفوتني
ان اشكر بجزيل الشكر والعرفان
كل من مر هذه الصفحة
سوى كان من أعضاء
المنتدى أو زائر
وتقبلوا مني
فائق الإحترام
وجل التقدير
دمتم بحفظ الذي لاتضيع ودائعه

كفيتم ووفيتم بيض الله وجيهكم

محااوره جميـــــــله و جزلــــه
بين عمالقــه .. ( بددوي فااهم , عايض الرشيدي ) ..
صصحـــت السنتــــــكم .. و لاهنتـــووا كفيتـــووؤا و وفيتـــووؤا ..

تحيــــــــاتــــــــــي