خـيمة مـــنتدآنآ ~{ حيآاآاآاآاآاآكم آللهـ ..،

صباح الخير

شخباركم يا احلى اعضاء ان شاء الله بالف خير

اليوم الجو بارد بس احلى مافية صافي من الغبره اللي قبل كم يوم

دام انا اول واحد اليوم جيت الخيمة لازم اضبط لكم القهوه والشاهي




ياملّ قلبٍ كل ماالتمّ الاشـــــــــــــفاق**** من عام الاول به دواكيــــــــــــك وخفـوق

كنّه مع الدلاّل يجلب بالاســــــــواق**** وعامين عند معزّل الوسط ماســـــــــــوق

يجاهد جنودٍ في سواهيج الاطـــــراق**** ويكشف له اســـــــــرارٍ كتمها بصــــندوق

لاعنّ له تذكار الاحباب واشتـــــــاق**** باله وطفّ بخاطره طاري الشــــــــــــــوق

دنّيت لي مــــــن غالي البنّ مــــالاق**** بالكف ناقيها عن العذف منســــــــــــــــــوق

احمس ثلاثٍ يانديمي على ســــــــاق**** ريحه على جمر الغضى يفضح الســـــوق

وايّاك والنيّه وبالك والأحــــــــــــراق**** واصحَ تصير بحمسة البن مطفــــــــــــــوق

لاَاصّفرِّ لونه ثمّ بشّت بآلاعـــــــراق**** صفرا كما الياقوت يطـــــــــرب لها الموق

وعطّت بريحٍ فاخرٍ فاضحٍ فــــــــاق ****ريحه كما العنبر بالانفاس منشــــــــــــــوق

دقّه بنجرٍ يسمعه كل مشتـــــــــــــاق ****راعَ الهوى يطرب الى طق بخفـــــــــــــوق

وْلَقْمْ بدلة مولعٍ كنــــّها ســـــــــــــــاق ****مصبوبــــةٍ مربوبــــــــــةٍ تَقْلِ غــــــــرنـوق

خلّه تفوح وراعي الكيف يشتـــــــاق**** فإلى طفح له جوهرٍ صــــــــــــــــــحْ له ذوق

اصغر قموره كالزمرد بالأشعـــاق**** وَكْباره الطافح كما صــــــــــــــافي المــــوق

زلّه على وضحى بها خمســة ارناق**** هيلٍ ومسمارٍ بالاسباب مسحـــــــــــــــــوق

مع زعفرانٍ والشمطري إلى أنســاق **** والعنبر الغالي على الطاق مطبــــــــــــوق

فإلى اجتمع هذا وهذا بتيفـــــــــــــــاق**** صبّه كفيت العوق عن كل مخلـــــــــــــــوق

بَفْنجال صينٍ زاهيٍ عند الأرمــــــاق**** يغضي بكرسيّه كما أغضاي غــــــــرنوق

والى أنطلق من ثعبــــــته تَقْلِ شبراق**** او دم قلبٍ وأنقطـــــــــع منه معلــــــــــــوق

خمر الى منّه تساقى بالاريــــــــــــاق**** عليه من ماء صافي الورد مذلـــــــــــــوق

راعيه كنّه شاربٍ ريق تريـــــــــــاق**** كاس الطروب اسرور من ذاق لــــه ذوق

فإلى حضر ماقلت عنــدي فالارزاق**** بيدي كريــــــــمٍ كافلٍ كلّ مخلـــــــــــــــوق

هذا وصلّوا عد ماناض بــــــــــــــرّاق ****علـــــــــى النبي الهاشمي خير مخلــــــــوق