تــلبية لــطلب حـــــــمـــــــود

هذي قصيده بالحبـــــارى تلبية لطلب اخوي حمود

واكيـــــد منقوله

صيد الحباري بالصقور
......................................
انا اشهد ان الصيد صيد الحباري
بالطير والا باقي الصيد ينعاف
مالي هوا بصيد الضباء والقماري
حتى القطا ماابغيه خليته اخلاف
الى طرى بالبال بعض الطواري
وازداد شوقي للخلا شلت نواف
وشديت ظهر الجمس وروحت ساري
لم الديار الي بها الصيد ينشاف
لاصرت بالصمان وحول المحاري
باول سماح الوقت والطير ميلاف
باول سماح الصيد والطيرضاري
ضاري على صيد الحباري وعراف
طير من طيور الحباري امباري
وفي جوها يأخذ من الريش نتاف
وفي مفرسه تلقى لهن بالمذاري
ريش الحباري بالذرى كنه لحاف
الطير قلب ولا تبين مواري
ومن قال اعرف الطير ماعنده انصاف
كم اشقر صدره زهى به غتاري
وقصير عظم الساقين وكفوفه جلاف
وقصير ريش الظيل وعنقه سواري
والجرم نادر بس للصيد خواف
اخذت انا والطير ليل ونهاري
ستين يوم بالخلا كلها ارياف
من لامني بالطير جعله يداري
يداري طريقه بالعصا فيه كفاف