انا شاعر

علام الهم ما فارق ضلوعي
وقلبي منتهي والراس شايب

اريد امسح بعد جرحي دموعي
تذكرت الوفى بين الحبايب

افارق دمعتي واطفي شموعي
وانادي بسمتي واركز نصايب

اخيط الهم وافصل دروعي
عسى نبحر معى فيض المصايب

تهشم قلبي ويبست زروعي
غرايب يا تعابيري غرايب

تعالتني الكباير في طلوعي
وشليت المنابر بالنشايب

غشاني الهم لين انكرت كوعي
ونثرت المعاني والصبايب

ولا عينت لي لو شخص يوعي
وشقيت المناكب والكتايب

ظلمت الناس في تبرير جوعي
وقلت اليوم صفي يا عجايب

بعد فرقاك عافتني ربوعي
غريبه كيف تكتبني النحايب

سقيت اعضاي من باقي قطوعي
وشفتك من تحكم فالسبايب

اريد الترقيه تبني فروعي
وسام يرتقي بي للسحايب

عرفتو يا عرب اكثر طبوعي
لذا الاشراف لي منكم وهايب

مهامز والمهامز حل روعي
تجلي الضيق في وجه الصحايب

انا شاعر تعابيري بتوعي
كرمكم يا عرب يطفي اللهايب

وسلامتكم