قلبٍ نبض بك حب وشلون ينساك؟ والله ماينسى شيء بينه وبينك

قلبٍ نبض بك حب وشلون ينساك؟
والله ماينسى شيء بينه وبينك
فيك ابتدى من شوف عينك ولقياك
لأن السعادة من وصالك وعينك
إيه إيه أحبك وأعشقك واتمناك
وأموت بك من خطوتك لاجبينك
سلهامة عيونك وطلّة محياك
وصوتك وفمّك وإنحناء حاجبينك
لبى وصايفك الجميلة ولباك
وسبحان من تمم كمالك وزينك
كلي حلالٍ لك من أدناك لأقصاك
كنك تحركني بأنامل يمينك
ملكتني ملكٍ عن العالم أغناك
أجمل حدث يصير لك في سنينك
وأصدح بصوتي لك وأناديك وأنخاك
وتقول لي لبيه وأقول وينك؟
وأبحث عنك وأدورك بس ما ألقاك
حتى يديني دوّرت عن يدينك
وأثرك بقلبي جعل دنياي تفداك
متمركزًا به بين نونك وسينك
تزعل علي وأزعل معك وأطلب رضاك
رضاك يعني كل شيء لضنينك
وأنا على خبرك ما أخونك ولا انساك
لو الجفاء يحول بيني وبينك
#مبارك_نافع