ثلاثة عشر ليله قطعها الجمل ريمان

اقتباس:
المشاركة الأصلية كتبت بواسطة حجاج المهيمزي


بسم الله الرحمن الرحيم

اعضاء وزوار منتديات قبيلة المهامزه

اقدم لكم هذه القصيده بمناسبة وصول مسيرة الرحاله نواف وعواد بن ثاري المهيمزي الرشيدي

الى مكة المكرمه قادمآ من الرياض وكانت هذه المسيره بمناسبة عودة خادم الحرمين الشرفين الى ارض الوطن سالما

وكانت الرحله على الجمل ريماااان

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ثلاثة عشر ليله قطعها الجمل ريمان=على خف..من قصر اليمامه ليا مكه
قعودٍ عليه الكفه تهيب العدوان=لو انه لحاله بالخلا وسمه يفكه
سلالة نوادر هجن عبس بهاك الازمان=قبل ينزل الاسلام بالشرك ويدكه
عليه من اهل سبع البيارق طوال ايمان=ثنينٍ عن الماجوب ماجاء بهم لكه
تعنوا شكر للواحد الخالق المنان=كريمٍ لطف في خادم بيوته وفكه
مشوا..ظرفهم ماهمهم زان والا شان=اهم الامور يدرهم شعيل بالسكه
من سعود ثاري مصدر الدعم مهما كان=لو انه يحد ملاعب المال ويضكه
كريمٍ يده تندا كرم والكريم معان=تقل كفه ليا ابطى عن المده تحكه
وعبدالكريم بن سويلم بن هديبان=اميرٍ لحدك وقتك بجانبك ركه
شجيعٍ تقادح من ظفر راسه النيران=لو افتح لمدحه باب الاشعار مااصكه
بيوت المشايخ تبني وتنتج الشيخان=هل المجلس المرفوع ماهم هل الدكه
وكل المسيره من حضر جمعها ماهان=رجالٍ وفاهم منه الانذال منزكه
رفاقة طريق وروس قوم وربع واخوان=ولا فيهم اللي تبرك ببابه الشكه
ثلاثة عشر ليله وهم مع طرف ريمان=على الخط..من قصر اليمامه ليا مكه

[/poem]
الشاعر حجاج المهيمزي



صح لسانك واعتلى شانك

الصمت ابلغ من الكلام

حجاج كنت هنا

بدوي فاااااهم

صح لسانك

شاعر مبدع

الله يقويك

ولك مني الف شكر على هذي الابيات الرائعه

ويستاهلون الربع كل خير.....


تحياتي لك...

صح لسانك اخوي حجاج على هذا الابداع

ويستاهلووووووووووووووون أأأأكثر .

الشاعر حجاج الف شكر لك على القصيده الجميله
شاعر المهامزه تحيتي لك

الشاعر حجاج المهيمزي
مبدع دائما في جميع ماتطرح ..
يستاهل ريمان واهله ,, هذا الثناء منكـ ..
تقبل اجمل التحايا ..
دمت بخير .

صح لسانك اخوي حجاج وعلا شانك

صح الله لسانك ورفع الله شانك
وبيض الله وجهك على القصيده
الجزله من شاعر جزل