مــرشد البـذال

السلام عليكم ورحمة الله وبركاته

اسعدالله كل اوقاتكم بكل خير ويتقبل طاعتكم





البــارحه جــاوبت لي حس عـاوي * * * ذيب عــوى لجيت بالحـــس ويـــاه

ذيب يجــر الصــوت حسه خــلاوي * * * ياقـلب ياللي جاوب الذيب بـــعواه

والصبح بانت في ضميري أهاوي* * * صوت (ن) زعجته ليت خلي توحـاه

يـادار ما شفتي ظبــي المــطاوي * * * أتلى عـلامي به غشنك رعايـــاه

أنا على شــوف الحبيب شــفاوي * * * كأنه هنـــيا خبرينـــي بممـــساه

قالت لي الأوطان جلــع ضحــاوي * * * اليـــوم رأس الرجــم هذا توطـــاه

أمس بــهذا وأصــبح اليوم نــاوي * * * يتلى ســلف بــدو بعيد معشـــاه

كشف لـهم بــرق سديد عشـــاوي * * * يخيــلونه يم خشــــم المسنــــاه

يبـــون مربــاع بـهاك الحــــراوي * * * لا زاف زملوقه وشبعت رعايـــاه

إخذ الخبر ما هوب خرص وهقاوي * * * أعطيك علم صويحبك وين تلقاه

أدنــي مرابيعه بخشــم الصـداوي * * * وبيــوت مقياضه بقرية مبنــــاه

مير اطلب الله لــو صوابك مخـاوي * * * كم واحد قبلك عشيره تمنــــاه

يالعين ما ينــفع كثــير الشكاوي * * * إلا على اللي دبر الغيث وأنشاه

يـــاونتي ونــة وحــيد جـــــلاوي * * * اللي سبب دينه من أقرب دناياه

ولا خـــلافه من يــحل الدعــــاوي * * * لا صار ربعه منه تبي المثــــاراة

عليك ياللي لك بقلــبي مكـــاوي * * * ثلالث ردعات هوادي وعرقــــاه

عقبه فقـدت من المنام الحـــلاوي * * * وحتى متاعي قامت الكبد تجفاه

يــالايمي ياعـــل مالك عــــراوي * * * بلاه ما ولعــك بالحـــب حليــــاه

مـن لا يعرف الحب عنده دعــاوي * * * يشره على راعي المحبه وينشاه

ويــقول هذا في ممـاشيه غاوي * * * وحنا نـــدل الـــدرب والحــمد الله

يالله عسى مثله كثير الـــهزاوي * * * يبلوى ببلوى من لسانه تهــــزاه

حتى يــعرف إن المحبه بـــلاوي * * * ويشوف مثل اللي من الحب شفناه

عساه يبلى في محبة حيـــاوي * * * حب الهنوف اللي يحده على أقصاه

تفرى ضــيره فري دلو الرواوي * * * إلا صفقها الجــال من حد ملقــــــاه

لا لجلجت له بالنظــير السهـاوي * * * كلامها (لبيـــه) عن قـــولة هــــــاه

كلامها للـقلـــب مثل المــــداوي * * * اللي عــرف علــــة مريـــضه وداواه

يــارب إني بالتفاتك رجــــاوي * * *تلم شمــل الولــف من عقب فرقــــاه

لو تنفع الفزعات ولا النخـــاوي * * * على المــحبة كان كل (ن) نخيـــناه

مير الرجاء والياس صار متساوي * * * يــــاقلبي أصبر في تدابير الإلــه

لو مابقى في حالك إلا شـــلاوي * * * مادبر الوالــي على العبد يرضــاه



ولكم التحيه

سلمان بارك الله فيك على النقل وصح لسان شاعرها
غني عن التعريف

الله الله الله شاااعر نبيل ان تغزل بنبل وعفه وان مدح بمثلها
شاعر الابداع والحكم مرشد البذال

اشكرك عزيزي على المقل"""
وتقبل مروري انا حب الغموووض

البحر الهادي

يعطيك العافية على مرورك يالغلا

مرشد البذال غني عن التعريف وهو شاعر الحكمه واليتميز بحنكة البيت والتصرف

في معناه

لك الشكر الاخ سلمان على حسن الاختيار

مشكوووووور والله يعطيك الف عافيه

فهد +سعد + ابورشا

لكم الشكر على مروركم الذي اسعدني