فهد محياء الرشيدي ابوتركي

قبل تشب النار وسط الهشيمه
وقبل لا تدخل في سجلات الانساب

بسباب هرج اهل القلوب السقيمه
والمذنب اللي بالزمن تو ما تاب

من يوم شال أذنوب قومٍ عقيمه
من الحياء والعرف قدام الانجاب

ياهل العقول الراجحه والسليمه
ترى العجب دايم تعريه الاسباب

الجهل همهم والتجاهل هميمه
ياهل العجب في هالزمن والتعجاب

يال العجب من علم مثل الصتيمه
ويال العجب من قومٍ واصحاب واقراب

ويال العجب من وقت صارت حريمه
تبكي على الشايب وتضحك على الشاب

والذيب ذيبٍ والبهيمه بهيمه
و ضوء الشمس يظهر عقب طول الاغياب

هذي الحقيقه والعواقب وخيمه
وكانك جحدت الصدق سموك كذاب

يافهد دام انك تريد الحشيمه
لاتجلس الا عند عكفان الاشناب

ماني وانا بن دكيم راعي نميمه
وشذاب للمقفي وللخلق مغتاب

وماني معلق فوق صدري تميمه
تحميني من العين والسحر بحجاب

مدام لي عندك مكانه و قيمه
والقدر وسط الصدر واضح ولاغاب

بالفعل ماهو بالهرج والظليمه
اللي تفك ابواب وتقفل ابواب


ياهل العلوم الواضحات السليمه
اثبت دليلٍ القول والفعل بكتاب

مدامني ماني مسوي جريمه
بالخيمه اللي دون عمدان واطناب

الشاعر / نايـف بن دكيم

صح لسسانك الشاعر : نايف
و لاهنت ..






تحياتي