الخيارات :: الخيارات :: الخيارات :: الخيارات :: الخيارات

قصيدة مدح في ابناء عمومتي من قبيلة الخيارات من بني رشيد
القيت في حفل ملتقى القبيلة نفسها خامس ايام عيد الاضحى

عسا ان تنال استحسانكم و استحسانهم



[poem=font="simplified arabic,5,darkblue,bold,normal" bkcolor="transparent" bkimage="" border="ridge,2,red" type=1 line=0 align=center use=ex num="0,black""]
يالله انك تستر .. الحال و تغفر الذنوب=كل ما جالي مجال .. و وقف دخانها
لدَت عيون المشاريه ..و العذر محجوب=الهجوس... الله عليها نفك ارسانها
ما لك الله ناخذ .. الهزل و الجزل محطوب=البحور معرَبة.. يا ولد جدَانها
ما دخلنا سوق الاشعار دوَارة ذهوب=توَنا به والعواذل نقص لسانها
عاد يأهل العز والطيب... و المجد الرحوب=المدايح ما تجي .. غير في خلَانها
يا خيارات الشجاعة.. بـ زوغات القلوب= يا رجاجيل .. المواقف و يا فرسانها
حاضرٍ ماضيه يشهد.. و جاحده مغلوب=صفحةٍ بالمجد ...كلٍ قرا عنوانها
الفعايل .. كنها الشمس و الهرج محسوب=البلاد .. الى سكتنا حكت جيَانها
سيرةٍ بنيت .. على العز طوبٍ فوق طوب=يوم بني امجاد ..الاشناب في ذرعانها
يومها على .. الاصايل و فزعات و حروب=جبهةٍ بالنار .. تاسم خشم عدوانها
يا سلايل عبس يا عبس في كل الدروب=ترفع إلكم راية العز يا خلَانها
واعذروني فـ البنادم ...ما هو خالي عيوب=مجدكم فوق... القصايد و فوق اوزانها
ويالله انك تستر الحال ...و تغفر الذنوب= كل ما جالي مجال ... و وقف دخانها


[/poem]

و سلامتكم واعذرونا على القصور

ابـــــــــن مدعـــــث

صح السانك يا ابن مدعث


كفيت ووفيت


لله درك صح منطوقك



تحياتي

صح السانك ابن مدعث
يستاهلون الخيارات والف نعم فيك وفيهم

لا تصميم الا تصميم ريتاج

صح لسانك ابن مدعث قصيده بقمة الروعه ويستاهل الطيب المادح والممدوح وعلا شانك تقبل مروري

بن مدعث صح الله لسانك واعتلى شانك على هذه الجزله
والنعم في قبيلة الخيارات ويستاهلون .
تقبل مروري

صح لسانك وعلا شانك

يستاهلون كل خير

لاهنت

يا خيارات الشجاعة.. بـزوغات القلـوب
يا رجاجيل .. المواقـف و يـا فرسانهـا
حاضرٍ ماضيه يشهد.. و جاحـده مغلـوب
صفحـةٍ بالمجـد ...كـلٍ قـرا عنوانهـا

صح الله لسانك الشاعر محمد بن مدعث
ربعنا يستحقون هذا المدح واكثر