أعز الاحباب

[poem=font="times new roman,5,white,bold,normal" bkcolor="transparent" bkimage="backgrounds/3.gif" border="double,5,silver" type=0 line=0 align=center use=ex num="0,black""]

سلام يا اعز الولايف و الاحباب=سلام يا رمز الغلا و المحبة
سلام ٍ اطيب من ثمينات الاطياب=و اغلى من المرجان باعماق غبة
و الذ من ما لذ ّ طعمه و ما طاب=و احلى من احلى شي نفسك تحبه
سلام مشتاق ٍ من البعد منصاب=بغى يذوق الموت و انجاه ربه
جا يجذبه من نازح البعد جذاب=مثل المريض اللي يدور لطبه
يسابق الخطوات مشتاق مرتاب=لا سج له لحظات حس و تنبه
حتى تهيت للمواصيل الاسباب=و نسى عناء دربه و كثر التعب به
يا حي هالبسمة من الناب للناب=و عطر ٍ من انفاسك يذعذع مهبه
و يا حي هالخرس النواعس و الاهداب=و اللبة اللي يا بعد كل لبة
و صوت ٍ بنبراته للالباب سلاب=فيه الهوى له نغمة ٍ مستحبة
و عود ٍ من الاعجاب تلوى له ارقاب=من وين ما النسناس ذعذع لعب به
من الترف ما يحتمل بعض الاتعاب=و ليا مشى ممشاه حبة و حبة
يعانقه شعر ٍ ليا انهل و انساب=خبى جسد راعيه لو قال خبه
و اشيا كثيرة ما لها عد و حساب=يضيع في تشبيهها من يشبه
لو قمت اعددها يقولون كذاب=و انا لساني ماش علم ٍ كذب به
يا نادر الاوصاف شرعت لك باب=و شيدت لك باقصى المعاليق قبة
قبة غرام ٍ ما لها غيرك اصحاب=انت الوحيد اللي ملكها بحبه

[/poem]

كلمات / معيبد الرشيدي