مرحــوم يلي صاحبـــه ماحصلــــه

حلمت حلم انك بجنبي وتبكيــــن
وامسح دموع عيونك اللي تهلــه
خيـــال حلم ٍ تجذبه دمعة العين
مع غفلة رموش العيون المغله
حالي قظى وانتي لحالي تشوفين
ومن سبتك بالقلب تسعين علــه
ليتك عن اللي داخل الجوف تدرين
تدريــن عن هـــــم ٍ بقلبي يملــــه
مافيه داعي نشرح الوضع تكفين
انتي علاج القلب وانتي دوى ً له
ياما سهرت الليل والناس ممسين
ويشهد على سهري نجوم مطله
وياما صبرت ايام وشهوروسنين
برجواك ياراعي الرموش المظله
حبك حرمني عن جميع المزايين
وحبك مكفيني عن الحي كله
لو ان قربك ينشرى بالملاييـــن
والله لسوق المــال دقــه وجلـه
اقســم برب ٍ له عبــاده مصليـن
منساك كــود طويق يخلف محله
وحال الممات ولا حصل نقظي الدين
والحضن دونك واحــد ٍ واقــف ٍلــــه
مري شمال أن كان ودك تمــرين
مري على قبري وشـــوفي محلـه
بأرض الشمــال وقبلة القبــر رجمين
الرجم الايسر يلـــحق القبـــر ظلـــه
وان جيت فوق قبري واسمي تنــادين
واجاوب اللي جعل روحي فدىً له
بيدك عن جســم ٍ رحل خفف الطين
واطلب له الغفــران عن كل زلــــه
وان كان ودك فــــوق قــبري تصليـــن
لاياسجدتي حلي الشعر وفلي الراس كله
اشــم ريــح ٍ مثل وردالبســاتيــن
وجسم ٍ كلاه الدود وصلك يبلـــه
وعند الوداع خطي على القبر حرفين
مرحــوم يلي صاحبـــه ماحصلــــه
احترامي للجميع

صح الله السانك واعتلى شانك

صح السان قايلها وسلم الله يد ناقلها

يعطيك العافيه اخوي وسام

عزلله إنها قصيدة صح السان قايلها

صح لسانك ومشكور اخوي على النقل الرائع وتقبل مروري ...