شفت الرسوم

السلام
عليكم ورحمة الله وبركاته
أعزائي الغالين في هذا الصرح الشامخ
اصافحكم بهذه المتواضعة من الارشيف
عسى ان تنال إعجابكم وتروي ذائقتكم الشعرية الراقية

[poem=font="simplified arabic,6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""]
يوم الخميس أقشر نهار بزماني=رمتبي الصّدفه على دار خلي
ياليتني جنبت مع درب ثاني=والله ماودي على ماحصلي
مير النصيب اللي بدربي حداني=كنه على درب السنع واقفلي
على منازل نورعيني رماني=شفت الرسوم وكنهن يضحكلي
وقفت اسلَي خاطري في مكاني=راح انشراح البال والهم حلَي
صفقت كف بكف من مادهاني=وعيَت تقدم خطوتي عن محلي
هذا مكانه يوم جيته وجاني=أول نهارالمعرفه والتغلي
ماغير أنا واللي بحبه سباني=لوحدنا مغير ظله وظلي
عذب الكلام اللي بعمره فداني=وأنا وما أملك من فداياه كلي
لاماجفيته لاوهو ماجفاني=مير الزمان لعادته مايخلي[/poem]

وسلامتكم من كل شر