قصيدة الله يقـدرنـي عـلـى رد الجمـيـل - محمد بن فطيس

الموت تالـي العمـر والدنيـا مقيـل
والاخـرة هـي منتهانـا لا مـحـال
واعمال كل انسان لـه منهـا حصيـل
توضع على الميزان وان ما مال مال
وديني وحب النـاس والخلـق النبيـل
ثلاث هي دربي الـى حسـن المئـال
ماهي بلحية شـوق للطـرف الكحيـل
لا ذكـر العقـل الجـوارح بالـزوال
الله يقـدرنـي عـلـى رد الجمـيـل
والله يجملنـي الـى جالـي مـجـال
والله يحـط الستـر لـي ظـل ظليـل
والله يقوينـي علـى وصـل الحبـال
والله ينورنـي لصـار الصبـح ليـل
والله يقدينـي الـى غـاب الـهـلال
والله يروينـي السميـن مـن الهزيـل
لا ضيعوا ويش السمان مـن الهـزال
والله يكثـر كـل ماهـو لـي قلـيـل
الا العيوب وكـل مانقصـه كمـال
والله لا يحوجنـي لمـدات البخـيـل
ويعيضني فـي كـل ماحـرم حـلال
والله لا يذللـنـي لسـطـان الذلـيـل
والله لا يسقيني المذلـة فـي الـزلال
والله يوفقنـي الـى اختـر الخلـيـل
والله يجنبنـي مجالـس قيـل قـال
والله يساعدنـي علـى القـول الدليـل
وستر من المنقـود وألسنـة الرجـال
والله يقومنـي الـى شلـت الثقـيـل
ولا ينوخنـي لـديـن عـبـاد مــال
والله يرحمنـي عقـب عمـر طويـل
وادخل مع السبعة تحـت ذاك الظـلال
،،
راق لي ..

مشكور علي نقل

ملك الحرف
صح السان الشاعر ابن فطيس
شاعر جزل وغني عن التعريف
مارق لك راق لي
يسلمووو ع الاختيار دمت بود.

صح لسانك ولسان شاعرهااا

ولاهنت ع النقل الرائع

تحيـــــــــــــــــاتي ،،

علم دار

سلمت الانامل على النقل الرائع

كل الشكر لكم على مروركم العطر
و أدام الله هذا التواصل الحميم
والاطلالة الجميلة التي أسعد بها
تحياتي لكم