الة حزن

السلام عليكم ورحمه الله وبركاته
قصيده من اختياري
هذا القلم/آلة حزن تعزف حروف
..............وهذا الحبر/خمر الورق والمعاني
حبيبتي وان شفتي أبياتي وقوف
..............لا تحسبين إن أعذب الشعر جاني
حتى الشعر تعترضه أحيانا ظروف
...............ويمر في قلبي وينسى لساني
جيت أوصفك ماتت تحت وصفك وصوف
..............جيت أنطقك راح الكلام وعصاني
حبيبتي والليل/شماعة طيوف
..............عليه علقت الأمــــــــــــل والأماني
آتذكرك والبرد ووشاحك الصوف
..............كم كنت محتاجك وكم كنت أعاني
وآتذكرك والحيرة تحايل الخوف
...............كم كنت خايف لا يقصّر حناني
كنتي/وأنا/والليل/والجو محفوف
.............ما زاد عنا غير .. صمت المباني
كان السهر طربان .. والليل مكسوف
..............وكان الحكي من شفتينك أغاني
في الليلة اللي بدرها صابه اخسوف
...............كنتي هديه للسما والمـــــواني
طرتي مكانه/وأقبل الغيم ملهوف
................يبي يضمك بس نورك أناني
وأنا مثل هالغيم من حولك آطوف
................بغيت أضمك بس عيا زماني
نضحك حزن/ونشوف/ونصد/ونشوف
.............ونضيق/والضيقه سجينة محاني
ما فيه داعي نخلق أعذار وحلوف
.................ما دام ما نقدر نعيد الثواني
أنتي رحلتي دون تلويحة كفوف
.............وأنا رحلت بدون قلب/وأماني !
للشاعر المبدع : صلاح مرسل العرجاني
*