صب القفشه الكويتي

صدقوني يابنات لو تذوقونها راح تعجبكم وووايددد المهم أعطيكم الطريقه

المقادير


1 كوب طحين أسمر

1 كوب طحين نخي

1 كوب طحين أبيض

5 بيضات

2/1 كوب زيت دلال

2 علبه روب

2 ملعقه وسط هيل مطحون

1 ملعقه وسط ممسوحه زعفران

1 ونصف ملعقه كبيره ممسوحه خميره تذوب بربع كوب ماء



الطريقه


تعجن المقادير كلها مع بعض وتترك لتخمر في مكان دافئ وعندما ترتفع

العجينه........

نقوم باحضار مقلاة غزيره أو صينية فرن اللي نعمل فيها كفته الدائريه بس

ماتكون كبيره.....

ونضع فيها الزيت بارتفاع 1 إنش يعني اصبع واحد وععندما يسخن الزيت نصب

العجين بالملعقه فيتكون شكل دائره صغيره وهكذا إلى أن ينتهي العجين

يعني في كل مره يطلع لك 6 إلى 7 حبات ولازم تكون النار أصغر وحده وتقلب

على الوجه الثاني حتى تتحمر

وتوضع في مشخال حتى ينزل الزيت وبعد ذلك نضعها بالشيره وتوضع في طبق


التقديم


والقفشه بالكويتي يعني الملعقه




عليكم بالعافيه أنا شخصياً أحب هالطبق حيل خصوصاً بعد الفطور وقت جمعت الاهل مع القهوه


وهو من الحلوياااات الكويتيه القديمه وأنا تعلمته من عمتي الله يرحمها


ومشهور عند البيوت الكويتيه الاصيله


تحياااتي

تقبل الله منا منكم
مشكورة أخي / شمس
بس القادير شوي مكلفة أنواع الطحين هههه
لكن دائم الكايد أحلى وتعجبيتي على التعلمها ....ززز

ابي اتعلمها شكرا

اسعدني مرورك


بالعاااافيه على قلوبكم

الله يرحم عمتج

مشكوره أختي

لاغنى عنهاااااااا طبعاااا

تسلميييييين ع الطرح

و الله يعطييج الف عاافيه

تحيااتي ... اختــج ..:
مشاعل الرشيدي ...

يسلمووووو
شمس ع الطبق الجميل .