الحب سايب والفراق ابنه العاق

الحب شايب والفراق ابنه العاق
والوصل غايه والقصايد وسيله

اثر المفارق له علاقه بالاخلاق
ويقصر طويلة صدر راعي الطويله

مافيه اشرّ من الهواوي ليا ضاق
من ضيقته حتى البزر يشتكي له

ياللي غضبت وكانت حلولك فراق
الغيض ولعه والمجادل فتيله

ابليس للفتنه وللشر سبّاق
يجيك في صورة رذيل ورذيله

العين مايغدي بها كل برّاق
والاذن ماكل الحكي ترتخيله

راعي الكلام يزّود الطاق بالطاق
يحكي بشخص وياصله ويحكي له

خص ٍ ليا كان الحكي بين عشّاق
ماله سوا: مالك دخل والفشيله

لو شفت وش قيمة غرامك بالاعماق
ماطعت لو لاموك فيني قبيله

ماهو تضيّق صدرك وتركز الساق
كنّي كفرت وقاتل ٍ لي قتيله

ياللي خدودك قطنه وعودك دقاق
والوجه ياحلوه وياحبني له

صغيّر ٍ وتشيل حمل ٍ ماينطاق

وشلون عافرت الحمول الثقيله

وانا احسبنك طيّب وقلبك رقاق
يامدرّس فنون القساوه لجيله

اشتاق وادري مانت راجع لو اشتاق
مير العوض بالذكريات الجميله



وتقبلووووو تحياتي
وســــــــام العبسي

مشكوووووور والله يعطيك الف عافيه

عاشقه
مشكورره


على مرورك


والله يعطيك

العافيه

وسام العبسي
ابداع بما طرحت
دمت متألق بيننا بروائعك
لك عميق احترامي واشكري

يسلمووووووووووو
ولك حترامي