ياصاحبي من شوفتك صرت ممنوع

ياصاحبي من شوفتك صرت ممنوع
.........واللي بقالي منك ذكرى قديمه
حبل الرجاء في شوفتك صار مقطوع
........والحال من فرقاك ربي عليمه
صار الحزن في داخل القلب مزروع
........مصيبة الفرقا علينا عظيمه
كيف الصخر يبكي وتنزل له دموع
.......كيف الجبال الشم تبكي الهزيمه
وكيف إنكسر عظم من الكف للكوع
........وشلون راح العمر من دون قيمه
هذا زمان فيه طامع ومطموع
........حتى البشر تجهل دموع اليتيمه
الوقت يبقى والزمن فيه مشروع
.........نفس المولع في زمنا سقيمه
مطبوع في صدور الرياجيل مطبوع
.........بصدورهم تلقى الطعون الجسيمه
الذيب يعوي من عنا الوقت والجوع
.........وأبا الحصيني يدوج في ظهر ريمه
الحكي ضاع ومابقى فيه منفوع
.........ماتت طموح الخلق رغم العزيمه
ياصاحبي من شوفتك صرت ممنوع
.........واللي بقالي منك ذكرى قديمه

اميرة الورد

قصيدة راقت لي سلمت اناملك على النقل المميز وصح لسان شاعرها...فعلاً قصيدة رائعه فانا سمعتها شيله فهي افضل سماعها بالشيله من قراءتها


كل عام وانتي بالف خير


عازف

قصيده جميله ابدعتي في اختيارك المميز
ولاننحرم من جديدك العطر


تحياتي لكـ

مشكوووووور والله يعطيك الف عافيه

صح السان شاعرها وسلمت يمين ناقلها ..

بسم الله الرحمن الرحيم




قصيده جميله ابدعتي في اختيارك المميز

شكرا لمرورك على موضوعي وهذا شرف لي ووسام على صدري