الخيال اشهر من الحر النـداوي

الخيال اشهر من الحر النـداوي==والندى رمز من اليمنـى النديـه
حيلة النصاب مقطوع الرجـاوي==والله انـه مايمشيـهـا علـيـه
(0+0) قلـي كــم يـسـاوي==؟؟؟يعني الذمه من الذمـه بريـه
ليش دسيت الروايه وانـت راوي==تعرف ان العاقبه ذنـب وخطيـه
يوم جاك الليل في بر الصـداوي==ضعت ياالراعي وضيعت الرعيه
ليش سموا عود جاوه عود جاوي==؟وليش سموا الابجديه الابجديه؟؟
دلتك فاحت وانا عنهـا غنـاوي==قهو قيس 00وقهو ليلىالعامريـه
لو لبست الجوخ والبشت الحساوي==ماأنته بنايـف وزيـر الداخليـه
اعظم الامثال في شعر الخـلاوي==ماطرقهـا باللحـون السامريـه
وعزة ابراهيم والياس الهـراوي==يضربون امثال هي00 وهاي هيه
منسمع سمعة شليويح العطاوي==ميـز النفـس الفقيـره والغنيـه
يوم طار الستر من مبسم مضاوي==ماطراه الا الشجاعـه والحميـه
الأزّمـه ماتغطيهـا الغـطـاوي==والسلـوب العنجهيـه عنجهيـه
والله انك مـن بعيديـن الهقـاوي==مير تجرفـك الحميّـا الجاهليـه
اسمع الفتوى من شيوخ الفتـاوي==اسمها فتوى00 واسميها وصيـه
ماهويت المستحيل الا انت هاوي==روح سرمد00والمسافه سرمديـه
مير لاينحني بك السيل النحـاوي==رحت مثل الحبل في رقبة المطيه
حاول انك ماتطيح الا متسـاوي==لاتشب النار 00 وتصيرالضحيه

قصيده طيبه لما فيها من الحكمه والمعاني
يعطيك العافيه اخوي لافي
سلمت يمينك

قصيده قويه و جزله .. بما تعنيه الكلمه ..

و صح لسااااانك ولاهنت ..

هذا القصيد ولا بلاش ..

تحيااااااااااااتي ل...

لاهنت على نقل القصيدة الرائعة