من قصايد عيد بن مربح القلادي

يالمور خذ نمرة الخامس من اليمنى

تحتر تبرد ترى الأخـلاق خربانـة

والله لتمشـي وحنـا ماتفاهمـنـا

مـادام ميقـوع ماعقبـت قلبانـه

ولاتشكي الظلم حنا الوقت ظالمنـا

دليل ظلمي تراك تشـوف برهانـه

البارحه مع ثلاث اوجـاب مانمنـا

مكينتك تشتغـل والعيـن سهرانـة

ان دبرت شدنـا يرخـى محازمنـا

نروى بدلـو يضيّـع مـاه شقانـه

وان أقبلت خصمنا يقضي لوازمنـا

صداقته تستحـل بيـوت عدوانـه

عـزالله انـا مـن الدنيـا تعلمنـا

درس صعيب على التلميذ نسيانـه

الله يجيب الصديـق اللـي يعلمنـا

ابنشده عن (غريب) وحال عربانـه

لولاه فـي بيـت جدانـه مطمنـا

ياوسع صدري عليه فبيت جدانـه

لو قصدنا البعـد مرينـا وسلمنـا

مير البـلا شوفـة الديـان ديانـه