طاف الزمان

السلام عليكم ورحمة الله وبركاته
اسعد الله ايامكم بالمسرات أيها الاحبة الكرام
متواضعه من الارشيف
اتمنى ان تنال إعجابكم وتروي ذائقتكم الشعرية الراقية

[poem=font="mudir mt,6,black,bold,normal" bkcolor="transparent" bkimage="" border="inset,8,burlywood" type=2 line=0 align=center use=ex num="0,black""]
البارحه يوم النجوم ادبحنا=ولجت اسباع أهل القلوب المواليف
دكت هموم القلب منا ومنا=وتراكمت بين الضلوع المهاديف
ماتمشي الدنيا على ماتمنا=اكيد مابه شك ماهي على الكيف
لا قلت طير الحظ رفرف وغنا=تعرضت له من زمانه صواديف
طاف الزمان بغفلته مافطنا=لين ان كلاً فاته الوسم والصيف
واقفى علينا الوقت عن دار اهلنا=ونوّخ ركيبنا على ساحل السيف
في ديرةٍ في جوها ماتهنا=إلا مصيّدت السمك بالخطاطيف
وغير الله الفرد الصمد ما إستعنا=لامنها ضاقت جميع المحاريف[/poem]

وسلامة قلوبكم الطاهرة
وتقبلوا فائق إحترامي وجل تقديري
دمتم بحفظ الذي لاتضيع ودائعه