مـــــزايــــــن الـــــغــــــرب صـــــــــــاروخٍ وطــــــيَّــــــاره

[poem=font="simplified arabic,6,red,bold,normal" bkcolor="transparent" bkimage="" border="groove,6,firebrick" type=2 line=0 align=center use=ex num="0,black""]

مزايـن الغـرب صـاروخٍ وطيَّـاره=صفت مزايـينهم والروس كيمـاوي
ومزاين الشرق ناقـه بنـت خـوَّاره=شعيرهـا بيـع للزمّـال والـشـاوي
الفرق شاسع مابين ايميـن ويسـاره=والدرب واضح وضوح الشمس للراوي
دنيـاً تقلّـب بـهـا الأيــام دوَّاره=والعلم ضد الجهل ماهـوب متسـاوي
والمـشكله كان فر الحرب مسمـاره=والغرب جاب المزاين يمنـا ضـاوي
تقـرع طبولـه بقـوّه ثايـر غباره=والذئب شاف الأسـد بذبحتـه نـاوي
وش حيلة الذئب ياهل العرف في غاره=والليث معـروف لزمام الضفـر حاوي
اكـيد ياقـف بوجـه الليث واخطاره=الذئب معروف في راس الجبل عـاوي
والنصر مايندرى من يرفع اشـعـاره=مير البـلا كان جـا بالحـرب كيماوي

[/poem]