مرثيه بالمرحوم الشاعر سعدان عابس رحمه الله

ورسم براءة شخص في هيكل انسان

رحمه اللــــــــــــــه


عزيت يابيت الشـــعر عقـــب ســـــعدان

انعى معـــاني الشـــعر وارثي احــــروفه

الشـــعر شمــعه وانطفـــة وسط وجـدان

ومن يقطف اوراق الشجر في صــروفه

وش يمنع اقـــدار الزمن غيـــر الايمان

الصبــــر واحســـان الخــــواتم نصوفه

مرحـــــوم ياللي حـــــط بصمه بعــنوان

بغمض حدث واصعب مراحل اضـروفه

الشـــعر يشـــهد له منـــابر او ميـــدان

في كل محــفل صــفقت لـــه اصـــــفوفه

يالله عســـــاه بروضــــة الخــــلد بجنان

عســــى مـــلائكة السمـــاء له تطــوفه

والله لولا الخــوف في بعــض الاحيـــان

لحــــط قــــبره ورد واضــــفي اقطــــوفه

ورسم براءة شـــخص في هيكل انسـان

واكتــــب فقيــــد اجيـــال واعظم حسوفه

رحم الله الشاعر سعدان الرشيدي رحمة واسعه
وصح الله لسان الشاعر فيصل الخياري

الله يرحمه ويرحم جميع المسلمين يارب وصح لسانك ومشكور اخوي..

رحم الله الشاعر سعدان الرشيدي

صح الله السانك اخوي فيصل

ونسأل الله له الرحمة والمغفره

الله يرحم الشاعر سعدان والله يغفر ذنوبه ويبيحه

ومشكور ياخوي الخياري