ِِ مقــهى البـوح الشـعري ..،، تفضل أرتشف قهوتك ..ِِ.

[ شكرا ]على ماقلت والله يعافيك*
بس استمع لي // وانتبه // في حياتك
[ طافك ] قطار الود ماعاد يمديك*
وقت الرضا // يامشغل // الناس فاتك
[ لاتحسبني ] لا تخليت ببكيك*
يمكن تحول // دمعتي // في مماتك
[ اليوم ] انا ماعاد لي حاجتن فيك*
النفس طابت // والبلا // من سواتك

أحاسيس الغلا تمضي على حبل الرجاء بسكات
تشد كفوف مكفوفه وترخي صوت أمانينا

تجدد لوعة العشاق ويرجع كل جرحن فات
وتزيد أحزان فوق أحزان مرهونه بماضينا

نعيش من الفرح لحظه وباقينا أسى وأهات
طيور الصبح تنعشنا وترعبنا ليالينا

اسكن بقلبي واحسب البيت بيتك ــــــــــــــــ وفيه اعتبرني ضيف قاصد محياك
ان احتواك الشوق والا احتويتك ــــــــــــــــــ خذ ناظر عيوني على كف ماجاك
وان ما كفاك القلب روحي عطيتك ـــــــــــــ ويفديك قلبا قبلة الروح تفداك

أكتب على جدار الزمن للوفآ / دين
.. و أرسمني جنبه .. و أرسم ( القلب ذايب ) ...!!

من شان لآ مرّوا .. جموع المحبين !!
.. أقول .. أنا عن سكــّـة العشق .. ( تايب ) .....!!

و إن مرّ بي شخص(ن) سكن محجر العين
.. أبسأله وش به عن العين .. ( غايب ) .........؟؟

[ يومآ من الأيام ] .. كنت أحترق لين ..!!
.. رماد / جرحي .. تعتريه .. الهبايب ..............!!

رمـّـد هذاك الجرح .. مابيني و بين ....!!
.. قلب(ن) .. هقى .. لو أكثر الظن / خايب .......!!

مرّت بي سنين .. أتوجــّـع .. و هالحين ..
.. طفل(ن) عشق .. في داخلي صار / شايب .....!!

و الحين راحل و الهوى بين قوسين ....!!
.. [ يومآ من الأيام ] .. كنا .. حبايب ..............!!

ذكرتني جادل حُبه سباني


...................... مدعوج الاعيان مردوع الشفية



لا نبه منه ولا خط فاني


....................... وين اتصبر وهو يطري عليه

في غربتي ، عارضت أنا ركب الأغراب
أشد .. وأنزل .. والليالي ركايب

أضداد .. وأقران وعدوان .. وأصحاب
متناقضات الخلق .. ماغاب غايب

أسهر معا تهويم نجمات الأحباب
حتي يصير النجم بالصبح ذايب

أصبح على فجرٍ ضحوكٍ .. وعجاب
وأمسي على همسات ، ستر العجايب

وقامت تجاذبني على درب .. الأسباب
نفس الشباب .. يحدها عقل شايب

مشيت في رمضا .. وسنّدت بهضاب
وعارضني سيولٍ ، وهبّت هبايب

وأمسيت في صحرا .. و قيّلت في غاب
ومن طاول الغربات ، شاف العجايب

مرتني الدمعه ، بها الوجد ماذاب
في غربة الأشواق ، راحت هبايب

مرتني البسمه ، تقل فوقها حجاب
وراك خجلي يارسول الحبايب ؟

والحب.. مريته غريبٍ على باب
عقب القصور .. أمست بيوته خرايب

بغيت أسلي خاطره .. عقب ماشاب
لقيت ماله بالتسلي طلايب

أقفى مع المقفين .. وجلٍ ومرتاب
على عقوق الوقت ، بالحيل عايب

في غربتي .. مريت رجلي وركاب
أرزاق .. من رب الخلايق ، وهايب


خالد الفيصل

و تقول لا تبطي و أنا بانتظارك ** ابشر بسعدك واصلينك على خير