ليتكـ تعاتب يابحر

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ليتك تعاتب يابحـر يـوم اعاتبـك=تسكت وموجك لاوهج منك مفضوح
ياليت مابك مسألة شعـر واكتبـك=بس القضيه ظنتي قلـب وجـروح
ااكتبك حرفي وآتهجـاك واشطبـك=وارسم خيالك وارجع القاك ممسوح
ادري بإنك يابحر خنت صاحبـك=منذ الطفوله حـذروا منـك لاآروح
واليوم جيتك ماعليّـه لـو اقربـك=خذني تصرف مابدا منك مسمـوح
ابجلس قبالك واسولـف واخاطبـك=واسالك يمكن داخلك قلب مجـروح
ويمكن زمانك بعد مثلـي يعذبـك=ويمكن تعاني وانت ماتقدر البـوح
ليه الثرى لاجيتني مـوج يشربـك=ونبراتك الي ترفع المـوج وينـوح
سبحان من وحـده بحولـه يأدبـك=وخلاك تبري كل من جاك مذبـوح
ارحم وناظر قبل ربـي يحاسبـك=كم عاشقٍ يبكي على الشط مطروح
لو الغموض بهجعة الليـل يسكبـك=شقيت لك صدرٍ غدا كله أوضـوح
دوك الكفوف ودفّها فـي مشاربـك=مادام جرحي شايبٍ يسكن الـروح
وان شفت دمعي ينتثر وآسني وإبك=عجزت وحدي وانت ماعنك منزوح
تعال واسال وش حداني واجاوبـك=لا الحظ يسعفني ولا فيه مصلـوح
ياليت قاعك مسكـنٍ لـي وارتبـك=ارتاح يارجواً مع احلام وطمـوح
وان قفلت دنيـاي والله لصاحبـك=ثم قلهم مجروح في قلب مجـروح[/poem]

كملتها لك ونسقتها...

هنا:

كهل الصباء