شيخ شمل قبيلة المهيمزات العبسية الغطفانية

بيض الله وجهك يابن نقاء

واهديك هذه الابيات لمحمد اليامي :

للطيب طيب وللمواقـف رجاجيـل = وللخيل سرج وللركايـب الأشـدّه

والحجه اللي مـا يجيهـا حلاحيـل = تبطي وهـي هـدّه وتاتـي بهـدّه

والوقت بين لـي رجـال ٍ معاليـل = باصد منهـا صدتـي والله صـدّه

والقلب لاصارت عروقـه مغاليـل = ما ينفعـك راعيـه لـو زاد نـدّه

والشيخ لاصارت يدينـه مكابيـل = اليا اعتزا في الضيـق ينفـه جـدّه

والرجل لا صارت اقصوره مداهيل = الطيـب طيبـه والـردي مايعـده

نسل الرجال الي فحـولٍ مشاكيـل = افعولهـا طـول الدهـر مستبـدة

أهل الكرم والطيب وأهل المعاميـل = ستر الرفيق ومن غدا الوقت ضـدّه

ما تنهزع من قايل القـال والقيـل = سيوفهـا طـول الدهـر مستعـدّه

يا ليل يا ماسك حلـوق المهابيـل = استـر نـاس ٍ فاقديـن الـمـوده

الطير ابو جنحان راعـي المقابيـل = عجبك لامنـه كفـخ فـي مـردّه

طير ٍ مسمينه على ابـو مظاليـل = اتلى العهد بـه يـوم لـوّح بيـدّه

قد له ثمان اسنين يلبـس خلاخيـل = ارموشـه السـودا تخابـط ابخـده

وأنا على الدنيا امخاوي رجاجيـل = مالـي ومـال امكبريـن المخـدّه