والتوحيد للفرد الصمد

المشاركة الأصلية كتبت بواسطة ناصر الشريف

السلام عليكم ورحمة الله وبركاته اعود اليكم مجددا

لابث بين ايديكم هذه القصيده

اللتي اتمنى ان تحوز على شيء من اعجابكم


لو كانت جروح الاماني تحت طيات الوداع
كان انتهت كل الاماني في ضميري للابد
دمعه من الوجدان سالت وابتدى وقت الصراع
بين الجروح الداميه وعروق واهات وجسد
يا ليل يكفي ما مضى كافي تصب الالتياع
ما دام انا واحد كسيت من الصبر كل البلد
اثور واشد العزوم الين يفتك النزاع
شاعر على كل المعاني يا ابن الاجواد انفرد
كم ليل همي شاع والتفكير بالتعبير ماع
وانا اشوف البرق واتسمع متى ياتي الرعد
وان هلت الاحزان في جوف الخلايا بندفاع
اصيح بسم الواحد القيوم ولا غيره احد
دنيا تفل قلوب خلق الله مثل فل الشراع
وعوين من عاش بحياته لا عوين ولا سند
قد جات واستسمت سناوات الخلاعه والضياع
كوكب تدهور في لميس ولا لقى غير النكد
المشكله هي بنحلال الذات ليس الاتباع
عالم يدور بدون مجداف وتدهور للابد
هم صدرو الافلام واحنا للاسف صرنا جياع
نتبع دعارتهم مثال اللي يدور من فقد
انا حزين وحزني اتعدى وسيعات الوساع
حتى ترك فيني ظلام وما ترك فيني جهد
الكذب سلعه راجت بذا الوقت يرفقها شعاع
والتضحيه بالصدق يا للعار صايبها رمد
درب التعاسه صار يجذبنا وصرنا له متاع
جنون يجذبنا بلا تصويت في درب الكمد
لكن على تاريخنا بمشي بقدر المستطاع
يمكن يوافقنا الزمان اللي مع العالم جحد
واطير بحساسي على روس النوايف والقلاع
واهبط كما يهبط على صيد القنص طير الهدد
ارجوك ياللي تسمع الابيات رد الاسماع
حتى اترجم لك معاني الضيق واعد العدد
جيشي تولاني على نظم الجزيله برتفاع
اجيب جزلات الفرايد والجسد جوف المهد
طاغي على نظم المعاني لو غشى راسي صداع
ناصر نصير الشعر والتوحيد للفرد الصمد

وش آخذ وخلي من هـ القصيده كل بيت عن ديوان شعر

صح الله لسانك مليون ولايسدون

قصيده تهدف الى قضيه اجتماعيه

ناصر

لك ارق تحيه