ِِ مقــهى البـوح الشـعري ..،، تفضل أرتشف قهوتك ..ِِ.

اصاح أنا قلبي من الحب مجروح
جــرح عطيب مالقى له مـــداوي
لو ينشري قربه شريناه بالروح
مير البلا شوفه غدا به هقاوي
أهل دمعي فوق الاوجان مسفوح
علي الذي ماهوب للغدر ناوي
أنا ادري إنه مثلي اليوم مطروح
لا شك مايقوي ولاني بقاوي
لولاي أدري سر الاحباب لابوح
وابيع بيعات الهبيل الفداوي
لكني اجحد فيه عن كل مفضوح
خوف عليه من الحكي والدعاوي
حسبي علي اللي حط في الدرب ساموح
العاذل اللي جر كل البلاوي
من أول باب المواصيل مفتوح
يوم ان عذال الموده خلاوي
واليوم سد الباب لوح علي لوح
وامسيت أنا ياصاح قلبي شقاوي



خالد الفيصل

علموه إني .. تركتـه .. بـأول العـام الجديـد
. . . . . وعلموه أن الجروح { بقلب } غاليه موجعـه


إيه أحبه كثـر .. حبـي .. للمعاني والقصيـد
. . . . . وكثر ما { هلت } دموعي يـوم حل إموادعـه


أشتاقله .. كثر .. إشتياق الجد لعناق الحفيد
. . . . . وأتحمله كثر إحتمال السد { موج } يدفعـه


ذاب قلبي في غيابه مثل .. ماذاب .. الحديـد
. . . . . يـوم { ولعنـي } وخـلا نـار قلبـي مولعـه


أشهد أنه .. مارحمنـي .. يـوم خلانـي وحيـد
. . . . . طاوعـه قلبه { يغيـب } وكيف قلبه طاوعـه


ماسمعت ألا شطر .. ويحرك .. إشعور البليـد
. . . . . ضاقت الدنيا { بشاعر } طيب قلبـه ضيعـه


آتمناه وأريده .. والله .. يفعـل مايـريـد
. . . . . وكان مكتوب الغياب { شحيلتي } كيف أمنعـه


علموه إني تركته وياعسـى .. عامـه .. سعيـد
. . . . . وعلموه أن { القصايـد } فـي غيابـه تتبعـه