براهيم الشيخي وبن وسام

ابراهيم الشيخي

انا لي سنه ماشفت سلطان ابن وسـام

وحول السنـه بينـي وبيـن إتصالاتـه

ماغير اخذ اخباره من الناس والأعلام

واقـول الله الله كـل ماغـنـوا ابيـاتـه

عرفته صديق وراس مال وذرا واحـزام

وشاعر يشوش الراس من طيـب وقفاتـه

والانسان ماتغنيه شهره وطرد اوهـام

عن الجود في يمناه والطيب في ذاته

وعـز الله ان الهاجـري شاعـرً مـقـدام

وتطرف على مسلوبـة المجـد راياتـه

على نهج ابوه ونهج جده سعـد قـدام

ورث من حيـاة العـود حتـى حركاتـه

ماهو خاملً ماينحسب لن قعد وان قام

هذا شاعرً تثر علـى الشعـر غيباتـه

ذكرته وهو في موقـعً غربـي الدمـام

وانا في بحر جـده وراسلـت موجاتـه

بعد شفت من يفتل وينقض بدون انظام

والا موجـده فالسـاحـه الا علاقـاتـه

ياسلطان كم نبني وكم يهدم الهـدام

وشعر العقل فالكون ضاقـت مساحاتـه

يعيفك في بعض المحافل ضعيـف عظـام

هزيـلً تخاسـر فيـه سكيـن تذكـاتـه

سكوتي عن الجاهل يطول حياتـي عـام

والا اخسر حياتي كلها فـي مجاراتـه

وعـز الله انـك يـوم جنـبـت ماتـنـلام

غيـابً يـطـول ولا حـضـورً بعثـراتـه

وهذا رد الشاعر سلطان الهاجري

تهيضـت يابراهيـم والمسلميـن اصيـام

واوحاك المصلـي وانشغـل عـن صلاواتـه

عذوبـة قصيـدك حطمـت مجمـل الارقــام

إلـى درجـة كـلً يبـي يـسـوي سـواتـه

رغم مايشـوف الفـن فـي تالـي الايـام

ورغـم مازحـم سوقـه وضيـق مسـاراتـه

ومهما تغنـى فيـه حتـى لحـون اريـام

ورغـم كـل مـالا فـيـه وده ولا هـاتـه

إذا ان انت يابراهيم تاج وفخر ووسام

على الشعر واسم الشعر في كـل حالاتـه

وردت وشربت وفيه غيـرك رجـال احيـام

من اعذب موارد دجلـة الشعـر وفراتـه

ولكـن اباوصيـك ف أمـرً مـهـم وهــام

يقولـون مـن وصـاك يلـزمـك بوصـاتـه

ليا جيت (مستور العصيمي) فقول اشمام

يبلغـك ابـن وســام خـالـص تحيـاتـه

ومر (الزلامي) في (سديره) يصلي اقيام

عـسـى الله يمهـلـه ويقـبـل حسـانـاتـه

و ملفي وابن ريفه وزيـد وسـلام اسـلام

و(حبيب) و(ابن عياد) يفتـل شناباتـه

وشاعر جهينـه راعـي الغتـره البسـام

وسبحـه تمـرد مـن يديـنـه لمخبـاتـه

وعرج على قبرً نـزل فـي ثـراه العـام

عزيـزً خـذاه المـوت والخلـق مـواتـه

لحضات الـوداع مكفنينـه بقطعـة خـام

وقفـيـت عـنـه وخـاطـري فالتلافـاتـه

وقبـل لختـم الطـاروق ويجـفً الاقــلام

وقبـل كـل شاعـر يحتسينـي بشرهـاتـه

إذا الأعمـده ماتنهـض البيـت لـلأمـام

مايبريـه جاهـل مايـعـرف اتجاهـاتـه

وتم الكـلام ومابقـى غيـر مسـك ختـام

من الـورد والريحـان عطـره ولفحاتـه

اسلـم عليـكـم كلبـوكـم ســلامً عــام

وعلـي السـلام ورحمـتـه وابركـاتـه !

جميل الاختيار يافهد

وصح السان الشيخي والهاجري ابداع لايضاهيه ابداع

الف شكر لك

مشكوووووور والله يعطيك الف عافيه

على هذا العطاء في الطرح

الهادف

تحياتي لسموك

صح لسانك ومشكور اخوي..