فخامة ذوق لا أكثر #

تذكرين الغلا و الصيف و السوده
لمة البرق و الخلان و الراعد

تذكرين القصيد و سلهمة سوده
و احد كان ما مثله ولا واحد

تذكري غيرته و رضاه و صدوده
تذكرين المطر و الشعر و مساعد

عاشقك جا يقود الشمس و تقوده
دفتره ياسمين و غيمته ناهد

شاعر من عيونك يطلب الزوده
جا يجدد قديم الولف و يعاهد

سودة أبها يدين العذر ممدوده
حجتي ما تبي قاضي ولا شاهد

يوم فتك لصدر الغيم مشدوده
وردةٍ تستغيث و عطرها ساجد

خذت ضيم الضباب اللي ثني عوده
ما ترك لي قليل ولا ترك واجد