من بقول الزين مايكمل حلاه

من بقول الزين مايكمل حلاه----- صادق( ن) والزين ماعمره اكتمل

ماكامل الا الواحد اللى فى علاه--- ربنا المعبود سبحانه وجل

كل شى ( ن) وان بدا لك منتهاه----لابد مايجى فيه نقص وخلل

دوك القمر لا صار بدر فى سماه--- لا شاف شمس الصبح ولا وارتحل

وزهر الربيع اللى تراقص فى خلاه-- لامن داهمه السيل غدا مثل الوحل

ياشاعر الانسان مو زينه بهاه---- زينه بروحه فى قصد المثل

وش جمال الوجه بليا حياه -----وش جمال العين بليا خجل

وش يساوى الجسم من دون العباه--وش يساوى لا شافته عين الغزل

لايخدعك مزيون فى ساعة رضاه -- جربه ياشيخ فى وقت الزعل

ياكم ضرير يمشى ناضره عماه --- تقوده بصيرةقلبه لاية محل

وياكم بصير سبحان ربى عطاه --- عيون كبر الفناجيل ومعميه الجهل

من يقول الزين مايكمل حلاه --- صادق (ن) والزين ماعمره اكتمل

ماكامل الا الواحد اللى فى سماه --- ربنا المعبود سبحانه وجل

مع الحترام وتقدير للا مير خالد الفيصل ----- من كتابتى ملاف الطير

ذوق ولأ اروع
اختيار موفق
برتقب جديد

يعطيك الف الف عافيه
على هذا الطرح الراقي والمتميز
تحياتي لسموك

أبو فيصل
يعطيك العافيه
وفيت وكفيت
لاعدمناك ولا عدمنا تواجدك
تقديري

صح لسانك ومشكور اخوي..